Կենսագրական գծեր

Հովհաննես սարկավագ Գումրույանը ծնվել է ՀՀ Վանաձոր (Կիրովական) քաղաքում՝ մտավորականի ընտանիքում։ 1985-95 թթ․ սովորել է ծննդավայրի Մ․ Մաշտոցի անվան թիվ 15 միջնակարգ դպրոցում։ Վաղ պատանեկությունից ծառայել է Վանաձորի Ս․ Աստվածածին եկեղեցում։ 1997-2003 թթ․ բարձր առաջադիմությամբ սովորել է Մայր Աթոռ Ս․ էջմիածնի Գևորգյան հոգևոր ճեմարանում, ապա 2003-2006 թթ. իր բանասիրական որակավորումն է ստացել Վանաձորի Հովհաննես Թումանյանի անվան պետական մանկավարժական ինստիտուտում։ Ճեմարանական տարիներին ակտիվորեն մասնակցել է պրոֆեսոր Տիգրան Ավետիսյանի <<Հայ Ազգանունների բառարան>>-ի կազման գիտական խմբի աշխատանքներին։ 2004-2008 թթ․ ղեկավարել է Վանաձորի Գերմանական կենտրոնի կրթական ծրագրերի բաժինը և եղել է <<ԳՆՊ>> բարեգործական հիմնադրամի համակարգչային կենտրոնի հիմնադիր տնօրեն։ 2006-2008 թթ․ դասախոսել է Վանաձորի Սարգիս Թևոսյանի անվան պետական պոլիտեխնիկական քոլեջում։ 2008 թ․-ից ծառայում է ԱՄՆ Արևմտյան թեմում։ Երկար տարիներ իր ծառայությունն է բերել Հոլիվուդի Ս․ Հովհաննու Կարապետ եկեղեցում։ 2010-2021 թթ. աշխատել է ՀԲԸՄ Մանուկյան-Դեմիրճյան վարժարանում, որպես հայերենի և հայոց պատմության ուսուցիչ։ 2010 թ․-ից ղեկավարում է Բրբենքի Առաջնորդանիստ Ս․ Ղևոնդյանց Մայր Տաճարի <<Փոքրիկ հրեշտակներ>> շաբաթօրյա դպրոցը։ 2017 թ․-ից նշանակվել է ԱՄՆ Հայ առաքելական եկեղեցու արևմտյան թեմի շաբաթօրյա վարժարանների հոգևոր տեսուչ։ Ուսանողության տարիներից թղթակցում է Հայաստանի և սփյուռքի թերթերին, տարբեր հաստատություններում հանդես է եկել դասախոսություններով։ Գիտակրթական գործունեության համար բազմիցս արժանացել է պատվոգրերի և շնորհակալագրերի։ Հովհաննես սարկավագ Գումրույանի տնօրենության շրջանում <<Փոքրիկ հրեշտակներ>> շաբաթօրյա դպրոցը դարձել է աշխարհի ամենամեծ միօրյա վարժարանը, ուր այսօր սովորում են 300-ից ավել աշակերտ։ Իր ղեկավարությամբ բարեկարգվել և արդիականացվել են կրթական ծրագրերը։ 2015 թ․-ին դպրոցը մասնակցել է ՀՀ սփյուռքի նախարարության կողմից կազմակերպված մրցույթի և արժանացել «Մայրենիի Պաշտպան» (կազմակերպություն) անվանակարգում Առաջին Կարգի մրցանակի։ Իր անմիջական մասնակցությամբ հիմնադրվել և ամենամյա ավանդույթ է դարձել Արևմտյան թեմի հայկական դպրոցների հայերենի ուսուցիչների վերապատրաստման դասընթացների կազմակերպումը և իրականացումը։ Հովհաննես սարկավագ Գումրույանն իր անբասիր գործունեությամբ նպաստում է Հայաստան - Սփյուռք կապերի ամրապնդման, մատաղ սերնդի, երիտասարդության ուսուցման և հայեցի դաստիարակության գործին։ Համակողմանի մասնագիտական գործունեությամբ բարձր է պահում Հայաստանի Հանրապետության և Հայ եկեղեցու հեղինակությունը՝ իր զգալի ավանդը բերելով հայապահպանությանն ու ազգային արժեքների ամրապնդմանը։

Սոնա Հակոբի Գևորգյան Ծնվել եմ Երևանում 1974 թվականին։ Դպրոցն ավարտելուց հետո ընդունվել եմ Երևանի Խ. Աբովյանի անվան Մանկավարժական համալսարանը։ Ավարտելուց հետո աշխատել եմ Պուշկինի անվան #8 դպրոցում շուրջ 24 տարի։ Դասավանդել եմ հայոց լեզու և գրականություն։

Ես Լյուբա Ավագյանն եմ. ծնվել, մեծացել եմ Էջմիածին քաղաքում, ավարտել եմ Խ. Աբովյանի անվան Մանկավարժական Համալսարանը: Երկար տարիներ աշխատել եմ Ոսկեհատի միջնակարգ դպրոցում որպես Հայոց լեզվի և գրականության ուսուցչուհի: Ամուսնացած եմ, ունեմ երկու դուստր, մեկ որդի: 2018 թվականին տեղափոխվել եմ ԱՄՆ` մշտական բնակության: Այժմ աշխատում եմ «Փոքրիկ հրեշտակներ» շաբաթօրյա դպրոցում որպես ուսուցչուհի:

Ծնվել և մեծացել եմ Հայաստանում: Ամուսնացած եմ, ունեմ երկու երեխա: Ամերիկայի Միացյալ Նահանգներ տեղափոխվել եմ 2019 թ.-ին: Սկսած 2019 թ.-ից աշխատում եմ «Փոքրիկ հրեշտակներ» շաբաթօրյա դպրոցում, որպես հայերենի 2-րդ դասարանի ուսուցչուհի: 2021 թ.-ից դասավանդում եմ նաև ՀԲԸՄ Մանուկյան-Դեմիրճյան» վարժարանում։ Ավարտել եմ Երևանի Վ.Բրյուսովի անվան Պետական Լեզվաբանական Համալսարանը, ստացել Բանասիրական, Մանկավարժության բակալավրի աստիճան, անգլերեն և ֆրանսերեն լեզուների ոլորտում (2004-2008):

2019-2021թթ․ ավարտել է Մինեսոտայի Ուոլդեն համալսարանը՝ ստանալով Սոցիալական աշխատանքի մագիստրոսի կոչում՝ հոգեթերապիա որակավորմամբ։ 2008-2011թթ․ սովորել և ավարտել է Նորթրիջի համալսարանը՝ ստանալով բակալավրի կոչում՝ սոցիալական բարեկեցության ոլորտում սոցիալական արդարություն։ 1985-1990 թթ․ սովորել է Կիրովականի Հովհաննես Թումանյանի անվան մանկավարժական ինստիտուտում՝ ստանալով տարրական դասարանների ուսուցչի որակավորում։

Ծնվել եմ 1986 թվականին: Մանկությունս անցել է Արարատի մարզում: 2003-2008 թթ. սովորել եմ Վ.Բրյուսովի անվան Երևանի պետական լեզվաբանական համալսարանի, Օտար լեզուների ֆակուլտետում և ստացել լեզվաբան, մանկավարժ մասնագիտությունը: 2009-2016 թթ. աշխատել եմ «ԱրմՍվիսԲանկ» ՓԲԸ-ում որպես թարգմանիչ: ՀՀ-ում դասավանդել եմ մասնավոր և պետական հաստատություններում: 2022 թվականին տեղափոխվել եմ ԱՄՆ և նույն թվականից դասավանդում եմ «Փոքրիկ հրեշտակներ» շաբաթօրյա դպրոցում: Ամուսնացած եմ, ունեմ դուստր և որդի:

Հայաստան Գյուրջյանը ծնվել է 1991 թվականին։ Ութամյա կրթություն ստացել է Վարդենուտի միջնակարգ դպրոցում, այնուհետ ուսումը շարունակել Խ. Աբովյանի անվան հայկական պետական մանկավարժական համալսարանի հենակետային վարժարանում։ 2007-2012թթ. սովորել է ԵՊՀ Հայ բանասիրության ֆակուլտում եւ,ուսմանը զուգահեռ, 2007-2012 թթ.աշխատել է "Արեւիկ" հրատարակչությունում՝ որպես սրբագրիչ։ 2025 թ․-ից աշխատում է «Փոքրիկ հրեշտակներ» շաբաթօրյա դպրոցում։

Ես Սվետլանա Հակոբյանն եմ ։ Ծնվել եւ մեծացել եմ Երևանում։ Ունեմ բակալավրի եւ մագիստրոսի կոչում: 2008-2013թթ Սովորել և ավարտել եմ Երեւանի Պետական Համալսարանի Ռոմանագերմանական բանասիրության ֆակուլտետի անգլերեն լեզու և գրականություն բաժինը, ստացել եմ բակալավրի աստիճան, իսկ 2013-ին` ԵՊՀ-ի Հայ Բանասիրության Հայոց լեզու և գրականություն բաժինը և ստացել մագիստրոսի աստիճան: Աշխատել եմ Երեւանի Նիկոլ Աղբալյանի անվ. թիվ 19 դպրոցում:

Ես Անահիտ Ամիրյանն եմ: Ծնվել եւ մեծացել եմ Հայաստանում։ Սովորել եմ Երեւանում: 1999- 2003 թթ. ավարտել եմ Երեւանի Պետական Համալսարանի բանասիրության (հայոց լեզու եւ գրականություն) Ֆակուլտետը եւ ստացել բակալավրի, իսկ 2005 թ.-ին` մագիստրոսի աստիճան:Ամուսնացած եմ, ունեմ 3 երեխա. 2 տղա եւ 1 հրաշալի դուստր: ԱՄՆ տեղափոխվել եմ 2011 թվականից։ Ես հայերենի դասավանդման փորձ ունեմ ինչպես Հայաստանում, այնպես էլ ԱՄՆ-ում: 2016 թվականից դասավանդում եմ «Փոքրիկ հրեշտակներ» շաբաթօրյա դպրոցում, իսկ 2021թ-ից` ՀԲԸՄ Մանուկյան-Դեմիրճյան դպրոցում:
“Teaching should be such that what is offered is perceived as a valuable gift and not as a hard duty”. Albert Einstein

Հասմիկ Ստեփանյանը ծնվել է Հայաստանում, Երևան քաղաքում: Սովորել է Կամոյի անվան թիվ 76 դպրոցում: 1992 - 1997թ.թ. սովորել է Երևանի Վ.Բրյուսովի անվան Օտար Լեզուների Ինստիտուտի Ֆրանսերեն - Անգլերեն բաժնում, և ստացել է Ֆրանսերեն, Անգլերեն և Հայոց լեզուների ուսուցիչ, լեզվաբան մասնագիտությունը: Ունի 15 և ավելի տարիների մանկավարժի մասնագիտական փորձ Հայաստանում և ԱՄՆ-ում: Արդեն չորս տարի է, ինչ Հասմիկ Ստեփանյանը դասավանդում է Հայոց Լեզու "Փոքրիկ Հրեշտակներ" շաբաթօրյա դպրոցում, շատ սիրում է երեխաներին և մեծ սիրով աշխատում է երեխաների հետ` նրանց սովորեցնելով ոչ միայն հայերեն գրել, կարդալ և խոսել, այլ նաև օգնում է բացահայտել Հայոց Մշակույթը, Արվեստը, Պատմությանը, Ավանդույթները, Հայոց Աշխարհը:

Ծնվել եմ 1977 թվականի հուլիսի 22-ին Էջմիածնում։ 1984-1994թթ - սովորել եմ Էջմիածնի Հովհաննես Հովհաննիսյանի անվան թիվ 3 միջնակարգ դպրոցում։ Բարձրագույն կրթությունս ստացել եմ Երևանի Խաչատուր Աբովյանի անվան Մանկավարժական Համալսարանում։ 10 տարի աշխատել եմ Էջմիածին քաղաքի Էօրնեկեան հանրակրթական դպրոցում որպես դասվար։ 2018 Թվականից ապրում եմ ԱՄՆ-ում։ Նույն թվականից աշխատում եմ Հյուսիսային Ամերիկայի Արևմտյան թեմի «Փոքրիկ Հրեշտակներ» շաբաթօրյա դպրոցում։

Ունեմ աշխատանքային 34 տարվա փորձ: Աշխատել եմ Երեւանի Պուշկինի անվ. թիվ 8 դպրոցում որպես հայոց լեզվի եւ գրականության ուսուցչուհի: 2012 թ. Տեղափոխվել եմ ԱՄՆ. նույն թվականից սկսած աշխատել եւ աշխատում եմ «Փոքրիկ հրեշտակներ» շաբաթօրյա դպրոցում, ինչպես նաեւ՝ ամենօրյա ՀԲԸՄ Մանուկյան - Դեմիրճյան հայկական դպրոցում որպես արեւելահայերենի ուսուցչուհի (2019): Ունեմ բակալավրի եւ մագիստրոսի կոչում: Սիրում եմ իմ աշխատանքը, աջակցում, ոգեւորում եմ աշակերտներին՝ նրանց մեր մայրենիին հաղորդակից դարձնելու, սիրելու եւ սրտում այն ջերմորեն փայփայելու... Աստծո հետ խոսելու միակ լեզուն հայերենն է: ԲԱՅՐՈՆ.

Ես՝ Սերինե Արամյանս, ավարտել եմ Վայքի քաղաքային վարժարանը, այնուհետև ընդունվել Երևանի պետական համալսարանի բանասիրության բաժինը։ Համալսարանն ավարտելուց հետո ուսումս շարունակել եմ Երևանի Գիտությունների ազգային ակադեմիայի Լրագրության բաժնում և ստացել մագիստրոսի աստիճան։ Աշխատել եմ Գուրգեն Մարգարյանի անվան համար 94 ավագ դպրոցում՝ որպես հայոց լեզվի և գրականության ուսուցիչ։ Դասախոսել եմ Մոնթե Մելքոնյանի անվան համալսարանի բանասիրության բաժնում։ Ունեմ 11 տարվա աշխատանքային փորձ։

Նեկտար Սենի Պողոսյան 1988-1998 թթ. սովորել և ավարտել եմ Նար-Դոսի անվան թիվ 14 միջնակարգ դպրոցը 1997-2001 թթ. Ռոմանոս Մելիքյանի անվան երաժշտական ուսումնարանը և 2001-2006 թթ. Երևանի Կոմիտասի անվան կոնսերվատորիան 2008-2018 թթ. աշխատել եմ Երևանի թ.96 մանկապարտեզում,որպես երաժշտական ղեկավար,իսկ 2019 թ.-ից մինչ օրս ԱՄՆ-ում, որպես երաժշտական դաստիարակ, աշխատում եմ տարբեր հաստատություններում։

Մասնագիտական կրթությունն ստացել է Հայաստանում։ ԱՄՆ տեղափոխվելուց հետո սովորել է նաև ԱՄՆ -ում։ 2010 թվականից դասավանդում է «Փոքրիկ Հրեշտակներ» շաբաթօրյա դպրոցում։

Ես՝ Կարինե Իսկանդարյանս, ծնվել եմ 1979 թվականին Հայաստանի Արմավիր քաղաքում։ Ավարտել եմ Հայաստանի Պետական տնտեսագիտական համալսարանը։ 10 տարի աշխատել եմ Արմավիրի տարածաշրջանային Պետական Քոլեջում՝ որպես տնտեսագիտության դասախոս։ Այնուհետեւ , 2011թ. տեղափոխվել եմ ԱՄՆ: Ոուսումս շարունակել եմ ԱՄՆ-ում՝ ստանալով Հաշվապահի որակավորում։ 2012 թ.-ից աշխատում եմ <<Փոքրիկ Հրեշտակներ>> շաբաթօրյա դպրոցում՝ որպես հաշվապահ։